美女廚房｜方力申整蛋糕被批嬌生慣養湯怡：你都係被照顧嗰啲人 - 香港01

seridapura.blogspot.com

2020-10-19 08:00

最後更新日期：2020-10-19 08:00

因參加《美女廚房》（2006年）「美少女廚神選舉」環節而獲封「少女黎姿」的湯怡近日開創了YouTube頻道，除了教人做瑜伽之外，亦大騷廚藝，拍片教煮！而最新一集她就邀請到方力申擔任嘉賓，當日《美女廚房》的回憶立即湧現！

今集湯怡教小方整芝士蛋糕，而過程中，湯怡與小方不斷互相揶揄，二人鬧出不少笑彈，例如小方諷刺湯怡早前向傳媒透露「跑得慢好易追」是食字「爛gag」，意思是她疏於練習，速度較以前慢，所以很容易被追求。湯怡又問小方拍愛情片的最理想拍檔，此話一出，搞到對方口啞啞，但最令小方無力招架的，睇怕都似係湯怡一句：「你都係畀人照顧嗰啲」！

二人的對話似足小學雞鬥嘴。（截圖）

在整芝士蛋糕的過程中，小方不斷強調自己又怕被油彈到，又怕熱，而且個烹調過程中雞手鴨腳，每一刻都仿似展現出「從不入廚」的感覺，最後湯怡終於都忍不住揶揄小方謂：「又怕熱又驚油彈，你都係被人照顧嗰啲嚟。」湯怡更在過程中大呻「呢位男士真係好難服侍！」然而有不少網民影片留言指湯怡太過串嘴，指她開口埋口都喜歡「趷人」，經常黑口黑面。

重溫一啲小方嘅蝦碌畫面：

Let's block ads! (Why?)